Këto shenja tregojnë se marrëdhënia juaj në çift do t’i rezistojë kohës!
Edhe nëse çdo marrëdhënie është unike në mënyrën e vet, ka disa shenja që ju e keni takuar “atë person”. Bëhet fjalë për “personin tuaj”, që është pranë jush dhe që ju bën të ndiheni si askush tjetër. Me atë person, ju mendoni se jeni të pandalshëm dhe se keni një marrëdhënie vërtet të veçantë. Ja 5 shenjat që ju tregojnë se keni një person të tillë në jetën tuaj!
Mosmarrëveshjet mes jush janë konstruktive
Është e lehtë që çiftet të debatojnë vazhdimisht për gjëra të vogla, të sulmojnë njëri-tjetrin dhe të përfundojnë në një debat shpërthyes.
Nëse ju dhe partneri juaj mund të ruani qetësinë dhe të keni diskutime konstruktive, të mësoni nga gabimet tuaja dhe të jeni të dy kundër problemit (jo kundër njëri-tjetrit), ju keni një marrëdhënie vërtet të veçantë.
Mund të qëndroni bashkë pa bërë asgjë fare
Nuk është e nevojshme të dilni gjithmonë për t’u argëtuar. As nuk keni nevojë gjithmonë të planifikoni çdo minutë. Ju thjesht kënaqeni me njëri-tjetrin. Nëse e gjeni veten në këto gjëra, ju dhe partneri juaj keni një lidhje të rrallë, në të cilën ndjenjat tuaja janë vërtet të forta.
Ndihesh sikur je një person më i mirë.
Në marrëdhëniet toksike, partnerët nxjerrin në pah më të keqen tek ju. Në një marrëdhënie të shëndetshme në çift, situata është krejtësisht e kundërt. Ju përpiqeni të jeni një person më i mirë për partnerin tuaj dhe ndjeni se si ai ju inkurajon dhe ju mbështet. Ai është me ju dhe është i lumtur për çdo sukses që keni.
Ju mund të shihni në fytyrën e tij se ai është i dashuruar me ju
Ju jeni mirënjohës për njëri-tjetrin – dhe i thoni njëri-tjetrit këtë
Kur jeni në një lidhje afatgjatë, mund të përfundoni të ndjeni se gjithçka është një “zakon”, apo edhe një rutinë. Megjithatë, nëse jeni në një marrëdhënie vërtet të veçantë, ju e vlerësoni partnerin tuaj çdo ditë dhe veprimet tuaja flasin vetë.
Kështu, ju vlerësoni çdo gjest të vogël të bërë nga partneri juaj dhe përpiqeni, nga ana tjetër, t’i përgjigjeni me dashuri dhe dashamirësi. Ju mendoni për gjërat që i sjellin vërtet gëzim dhe përpiqeni ta bëni atë të ndihet i vlerësuar dhe i dashur, çdo ditë.
Ju keni privatësinë tuaj
Ju pëlqen të jeni bashkë: të prekni njëri-tjetrin, të putheni ose thjesht të përqafoheni për disa çaste. Keni batutat tuaja që vetëm ju i kuptoni, qeshni bashkë dhe, edhe nëse jeni prej vitesh bashkë, duket se jeni ende në fazën e “muajit të mjaltit”. Të gjitha këto shenja tregojnë se jeni në një marrëdhënie vërtet të veçantë dhe se keni gjetur personin që do të jetë me ju për gjithë jetën.
Foto: depositphotos.com
