Shumica prej nesh duhet të punojnë, por rëndësia që i japim punës dhe punës së tepërt varet nga ne.
Nëse nuk e dinit, është më mirë për shëndetin dhe lumturinë tonë të shfrytëzojmë kohën tonë dhe të shijojmë gëzimet e vogla të jetës, është vërtetuar se ata që vlerësojnë kohën e lirë janë shumë më të lumtur.
Ti ke vetëm këtë jetë, a dëshiron vërtet që ta jetoj duke punuar vazhdimisht?!
Një studim i vitit 2016, i publikuar nga Shoqata për Personalitetin dhe Psikologjinë Sociale, thotë se paratë nuk janë garanci për lumturinë; në vend të kësaj, vlerësimi i kohës së lirë mund të sjellë një ndjenjë më të madhe mirëqenieje dhe kënaqësie në jetë.
Për studimin, pjesëmarrësit u pyetën nëse do të preferonin të kishin një apartament të shtrenjtë dhe të shkonin në punë shpejt, apo një apartament më pak të shtrenjtë, por që është më larg punës. Atyre iu kërkua gjithashtu të zgjidhnin midis diplomimit nga arsimi i lartë, gjë që do t’i ndihmonte ata të gjenin një punë të mirëpaguar, por me shumë orë punë, dhe diplomimit nga arsimi i mesëm, gjë që do t’i ndihmonte ata të gjenin një punë me një pagë më të ulët, por edhe me më pak orë të kaluara në zyrë.
Në gjashtë studimet në të cilat morën pjesë më shumë se 4.600 pjesëmarrës, studiuesit gjetën një ndarje pothuajse të barabartë midis njerëzve që kishin prirjen të vlerësonin kohën e tyre dhe atyre që zgjodhën t’i përkushtoheshin punës.
Çfarë i bën njerëzit të lumtur
“Duket se njerëzit janë më të prirur drejt vlerësimit të kohës së lirë sesa fitimit të parave dhe përparësia e kohës shoqërohet me lumturi më të madhe,” tha studiuesja kryesore Ashley Whillans, një studente phD në psikologjinë sociale në Universitetin e Kolumbisë Britanike.
5 gjëra që duhet t’i mbani të fshehura nëse doni të jeni të lumtur
Me kalimin e moshës, pjesëmarrësit kishin më shumë gjasa të vlerësonin kohën e tyre sesa të vazhdonin të përqendroheshin në gjendjen e tyre financiare. Ndoshta sepse kur plakesh, fillon të kuptosh se koha është e fundme dhe duhet të duash çdo moment e ditë që të ofrohet për t’i jetuar. Nëse punoni më shumë se gjysmën e jetës suaj, mund të keni gjithmonë një llogari bankare të kënaqshme, por ka gjithashtu shanse të larta që jeta juaj të jetë një pa lumturi dhe argëtim.
Çfarë kuptimi ka të kesh gjithë këto para nëse nuk do t’i përdorësh kurrë?
“Ndërsa njerëzit plaken, ata do të duan më shumë të kalojnë kohë në mënyra që i përmbushin ato frymësisht sesa të mendojnë vazhdimisht se si të fitojnë para,” tha Whillans. “Koha e lirë, e kaluar me veten ose me të dashurit tuaj, sjell shumë më tepër lumturi dhe përmbushje sesa paratë do të jenë në gjendje të bëjnë ndonjëherë. Edhe heqja dorë nga disa orë pune (implicitisht më pak para) për t’iu përkushtuar një pasioni (për të bërë atë që i pëlqen zemrës) do t’ju bëjë të ndiheni më të lumtur.”
Koha kalon vërtet shpejt dhe nëse nuk i jepni më shumë rëndësi momentit të tanishëm dhe nuk filloni të jeni mirënjohës, do të arrini fundin e jetës të lodhur, duke mos pasur energji dhe gëzim për shkak të stresit që keni ndjerë vazhdimisht në ndjekjen për para./WOWbiz.al
Foto: pexels
